Русија очекува зајакнување на сириската одбрана по нападот

од desk2

Руското министерство за одбрана соопшти дека сириската воздушна одбрана ќе биде зајакната по американскиот ракетен напад врз воздухопловната база во земјата. Според министерството, ефектот од нападот бил екстремно мал. Портпаролот на министерството, генералот Игор Коншенков изјави дека само 23 ракети стигнале до воздухопловната база, а останатите 36 не е јасно каде завршиле.

Нападот, како што соопштија американските власти, е одговор на смртоносниот напад со хемиско оружје врз цивили што се случи деновиве, а за кој беше обвинета сириската влада. Претходно руските власти соопштија дека рускиот претседател Владимир Путин смета дека американски воздушен напад врз Сирија е акт на агресија против суверена земја.

Слични содржини