Успеаја да создадат ретина во лабораториски услови
Руски научници успеаја да создадат во лабораториски услови ретина. Успешниот експеримент е спроведен во научно-клинички центар по физичко-хемиска медицина.
Ретината е добиена со репрограмирање на кожни клетки, што дава надеж за излекување на повеќето случаи на слепило на глобално ниво. Истовремено, интервенцијата ќе биде проследена со минимална трауматичност за пациентот, а показателите за клеточниот раст се добри.
Првата операција на трансплантација на ретина, формирана по новиот метод, ќе биде извршена догодина. Ретината ќе биде трансплантирана на пациенти со наследна макулодистрофија.
Методот за репрограмирање на клетките овозможува кожните клетки да бидат вратени во ембрионална состојба, а потоа да бидат претворени во секакви, вклучително и во оние кои ја формираат мрежницата на окото.