СДСМ: Апсурдните интерпелации нема да го сокријат криминалот на ВМРО-ДПМНЕ

од desk2

Со неоснованите, неиздржани и апсурдни иницијативи за интерпелации, ВМРО-ДПМНЕ продолжува очајнички да се обидува да ги закочи реформите и проектите за кои што гласаа мнозинството граѓани, се вели во реакцијата на СДСМ по интерпелацијата што пратенциите на ВМРО-ДПМНЕ денеска ја поднесоа за министерот за култура Роберт Алаѓозовски.

„Поднесената интерпелација за министерот за култура Роберт Алаѓозовски само докажува дека ВМРО-ДПМНЕ не се грижи ниту за културата, ниту за граѓаните, туку единствено се грижи да го сокрие деценискиот криминал што раководството на таа партија го правеше, особено со проектот ‘Скопје 2014’“, стои во соопштението на СДСМ.

Оттаму додаваат дека ВМРО-ДПМНЕ 11 години ја „партизираше културата и потроши над 600 милиони евра народни пари на сомнителни тендери за проектот „Скопје 2014“, додека вистинското културно наследство беше намерно оставано да скапува и да се распаѓа“.

„Наместо криминалниот и злосторнички пристап кон културата што ВМРО-ДПМНЕ го практикуваше со години, министерот за култура и министерството воведуваат нови, ефикасни и инклузивни политики и проекти во културата што носат напредок и заштита на културната дејност“, велат од СДСМ.

Слични содржини