80
Американската телевизија “Лајфтајм” подготвува филм за бурниот живот на поп иконата Бритни Спирс, соопшти АФП.
Во улога на пејачката ќе е Австралијката Наташа Басет, која стана позната по филмот “Аве, Цезар!” на браќата Коен.
Филмот “Бритни” ќе биде емитуван следната година и ќе ги следи подемите и падовите во животот на пејачката – од раната нејзина слава до здравствените лични проблеми, па и до последното триумфално враќање на сцената.
Снимањата ќе започнат во септември.
Бритни Спирс се претставува одлично во Лас Вегас, каде што има договор од 2013 година. Таа го сними деветтиот албум “Glory”, кој ќе излезе во продажба утре, а во недела ќе пее на церемонијата за видео музичките награди на MTV во Њујорк.