Сеат ја “продолжува најсериозната производна офанзива од своето основање со спортска верзија на својот прв кросовер” Атека “. Според традицијата, моделот ќе носи додатокот FR кон своето име, а премиерата е закажана за автосалонот во Барселона (11-21 мај).
“Сеат Атека” FR е надграден и најдобро опремен на ниво “Екселнс”, при што се додадени елементи, со нагласени динамични црти на автомобилот. Станува збор за изменети браници напред и позади, црни рамки на прозорците и шини на покривот во иста боја. Не недостасува и спојлер на задната врата.
Тркалата се 19 инчи во две бои, а во долниот дел на вратата се забележуваат алуминиумски елементи.
Во салонот присуствуваат алуминиумски акценти, како предни седишта кои се спортски и тапацирани со “Алкантара”. Не недостасуваат и задолжителните црвени шевови, квалитена црната кожа на седиштата и воланот.
Специјално за “Сеат Атека” FR во палетата на кросоверот се појавува нов дволитарски бензински мотор со моќност од 190 коњски сили. Спортската изведба може да се нарача со бензински и дизел мотори со моќност меѓу 150 и 190 коња. Тие се комбинираат со механички и автоматски менувачи со двојна спојка.
Возилото може да е со преден погон и со погон 4х4. Од промоцијата на “Сеат Атека” во текот на летото до моментов во целиот свет се продадени над 40 илјади автомобили од овој модел.