Граѓанската иницијатива „Протестирам“, по велигденските празници, денеска ќе продолжи со протестите против одлуката на претседателот Ѓорге Иванов за помилување на 56 политичари и нивни соработници.
Денешниот протест ќе почне во 18 часот пред канцелариите на Специјалното јавно обвинителство, а ќе биде со фокус, како што велат од „Протестирам“, на корумпираното и партизираното судство.
„Во држава во која насилството од страна на власта е секојдневно, а несовршеноста на нивните злостори аболирана, на тројца од нашите соборци за правда и за демократија им е продолжен куќниот притвор. Затоа денеска велиме доста! Доста ни е од селективна правда! Доста ни е од корумпирано судство кое им слугува на Груевски и на неговата клика! Доста ни е од судска власт за која највисок „правен“ акт е партиската книшка“, велат од „Протестирам“.
(ВИДЕО) Да престане газењето на правата на работниците – достоен живот и плата
За денеска закажен е и протест во Струмица, кој ќе почне во 19 часот пред старата полиција. За утре закажани се протести во Штип во 18 часот пред Основниот суд и во Гевгелија во 19.30 часот пред Пензионерскиот дом.