Во саботата (вчера) помалата сестра на војвотката на Кембриџ – Пипа Мидлтон, му кажа “да” на својот избраник – милионерот Џејмс Метјуз. Двајцата се верија во јули минатата година, по едногодишна врска. 
Клишето дека старата љубов ‘рѓа не фаќа, е сосема точно за нив, бидејќи тие имаат кратка врска уште во 2012 година, а потоа Пипа се врзува со банкарот Ник Џексон. Џејмс и Пипа го наоѓаат повторно патот еден кон друг и разврската е како во приказните – пред да ја запроси, тој прво ја бара раката од нејзиниот татко.
Дури потоа тој ѝ подарува на Пипа дијамантски прстен во вредност од над 250 000 фунти – најмалку двапати поскап од оној на нејзината сестра Кејт, кој некогаш го носела и принцезата Дијана, пишува списанието “Ева”.
Метјуз е поранешен тркач со автомобили, кој по постигнатите успеси на патеката, влегува во светот на финансиите во 1995 година. Шест години подоцна станува берзата менаџер и ко- основач на “Eden Rock Capital Management”, каде што денес е нејзин извршен директор.
Компанијата управува инвестиции во вредност од над 1 милијарда фунти и е именувана по хотелот, кој неговите родители го поседуваат во Сен Бартелеми. Сопругот на Пипа потекнува од многу богато семејство, а неговиот брат – Спенсер Метјус, е риалити ѕвезда во лондонското хит шоу “Made in Chelsea”.
Таа го следи животот на богатите деца на општеството – младинци околу 20-те родени и израснале во луксуз. Интересен факт е дека Џејмс учел во истиот колеџ како принцовите Хари и Вилијам – “Итан” во Виндзор. Ова не е стандардно училиште, туку пансион за момчиња. Покрај тоа, тој го носи истото име како најмалиот Мидлтон – Џејмс, брат на Кејт и Пипа.
Џејмс Метјуз е на 41 година и е страствен спортист. Слично на партнерот на Пипа, тој ги обожава зимските спортови и папараците често ги фаќаат на снежни одмори. На патеките во Норвешка тие беа затрупани во атлетско натпреварување, кое траеше шест часа.