За време на месечниот циклус кој трае во просек околу 28 дена, хормоналниот баланс во телото на жената постојано се менува. Се менува и за време на овулацијата, кога јајце клетката се смета за плодна. Што се случува со вашето тело во овој период?
Спиете повеќе … или помалку
Многу работи можат да влијаат на спиењето на една жена. Меѓу нив е и овулацијата. Во овој период хормоналните промени во телото го намалуваат стресот, што помага за подобар сон. Кај некои жени, сепак може да се забележи несоница, најчесто предизвикана од зголеменото либидо.
Расположението ви е прекрасно
За разлика од мрачното расположение карактеристично за предменструален синдром , овулацијата го прави спротивното – тера да се чувствувате одлично, да светите, да се смеете, да се шегувате, да имате повеќе енергија.
Либидото се зголемува
За време на овулација женскиот организам е поподготвен од кога било за создавање на потомство. Затоа хормоните си го велат своето, либидото се зголемува, дури е можно да посакате да дивеете повеќе од обично.
Градите ви стануваат почувствителни
Многу често е градите или поточно брадавиците на жените да не се толку чувствителни, како што мажите замислуваат. На некои жени дури им е непријатно да си играат со градите. Многу е можно ова непријатно чувство да се зајакне за време на овулацијата.
Некои жени пак се радуваат на пријатни чувства во градите за време на овулацијата. Промени се можни и во двата случаи.