– “Тие застанале до тоалетите и врз нив удрило Порше, и ги однело во смрт …”, рекол очевидец возач, сведок на крвавиот настан. Фаталниот инцидент се случи непосредно пред 16:00 на 83-ти км на национален пат Атина – Ламија, во близина на Теба.
Honda Civic, автомобил, во кој се возеле семејство застанало на паркингот каде имало тоалети. Возачот отишол во тоалет и ја оставил во автомобилот жената со нивното бебе. Додека се вратил автомобилот Порше со многу голема брзина удрил во нивниот автомобил кој стоел на паркингот. Двата автомобили веднаш пламнале. Мајката и бебето умираат трагично. Загинати се и другите две лица од Поршето.
“Таткото едноставно слушнал удар, ” тресење “, светлина од тоалетите и видел две коли како горат. Мажот се стрчал да им помогне на жената и детето, но тоа било човечки невозможно”, велат очевидци. “Неверојатно е што се случи. Запре за тоалет и дојде Поршето на смртта. И тоа се случува на паркинг, а не на патот … “, раскажува шокиран возач кој бил сведок, на инцидентот.
Подоцна е утврдено дека Поршето било возено од Јоргос Вакакис, еден од синовите на грчкиот милијардер Апостолос Вакакис, пренесе РИА Новости. Јоргос се вратил за одмор од САД, каде што е студент, со свој пријател патувал за Делфи. Двајцата загинале на место, бидејќи при ударот двете возила се запалиле.
Дозволена брзина за движење по автопатот е 120 километри на час, но Поршето јурело како диво, сведочат очевидци.
Апостолос Вакакис, таткото на загинатиот, е сопственик на синџир од над 80 продавници “Џамбо” во Грција и цела Европа. Приходот во 2016 година му бил 782 милиони евра .