59
“Оние кои имаат повеќе од три деца, ќе одговараат пред Бога. Наталитетот во Египет претставува опасност, во најмала рака колку и самиот тероризам”, рече Сиси во обраќањето на Конференцијата за млади во Александрија. 
Тој истакна дека некои родители, кои имаат повеќе од три деца, не можат да набават храна за децата.
“Гледаме некои луѓе кои имаат и по четири деца. Немаат дури ни за храна. Овие луѓе ќе бидат прашани пред Бога, за тоа што направиле неправда кон своите деца”, кажа египетскиот претседател.
Министерот за здравство Ахмед Емад Елдин Ради истакна дека бројот на жителите на Египет во 2030 година би можел да порасне на 120 милиони.
“Доколу стапката на наталитетот во Египет продолжи со ова темпо, бројот на жителите во нашата земја во 2030 година ќе изнесува околу 120 милиони”, рече Ради.
Сиси во мај изјави дека египетските власти работат на закон за контрола на наталитетот, напоменувајќи дека оние граѓани кои нема да го почитуваат ќе бидат санкционирани. Според податоците од април 2017 година, броот на жителите на Египет е 100 милиони.