СЈО бара притвор за Груевски, Мијалков, Јанакиески и Јанкулоска, Протoѓер, Латас…

од Vladimir Zorba
 

Специјалното јавно обвинителство бара притвор за Никола Груевски, Миле Јанакиески, Гордана Јанкулоска, Кирил Божиновски и Мартин Протоѓер за случајот „Титаник“, кој се однесува на изборни измами.

Притвор се бара и за Сашо Мијалков, поранешниот директор на УБК, Елизабета Канческа Милевска, поранешна министерка за култура и за Владимир Пешевски, поранешен вицепремиер. СЈО бара притвор и за Тони Трајковски, градоначалник на општина Гази Баба и за уредникот во Сител ТВ, Драган Павловиќ Латас за случајот Тотал. Вкупно, СЈО бара притвор за 18 лица.

 

 

Два дена пред истекувањето на рокот за поднесување обвиненија на Специјалното јавно обвинителство (СЈО), поднесени се 17 обвиненија за 18 предмети. Обвинети се 94 физички и 7 правни лица. Случаите „Таргет“ и „Тврдина“ се обединети во еден предмет, а случаите „Тврдина 2“, „Транспортер“ и Насилство во општина Центар веќе се во судска постапка.

За случајот „Титаник“, побаран е притвор Никола Груевски, Мартин Протоѓер, Кирил Божиновски, Миле Јанакиески и Гордана Јанкулоска.
За случајот „Тендери“, побаран е притвор за Елизабета Канческа Милевска.
За случајот „Тотал“, побаран е притвор за Драган Павловиќ Латас.
За случајот „Траекторија“, побаран е притвор за Владимир Пешевски.
За случаите „Тврдина“ и „Таргет“, побаран е притвор за пет лица, меѓу кои и Сашо Мијалков.

Специјалното јавно обвинителство поднесе 17 обвиненија за 18 случаи против 94 физички и правни лица, соопшти пред малку специјалната обвинителка Катица Јанева.

 

извор: Призма

Слични содржини