Рaкот на дојката е еден од најчестите видови на рак кој се појавува кај една во осум жени. Туморите често можат да поминат незабележано, но поради наследната природа на овој карцином, начинот на живот често има малку или никакво влијание врз развојот на болеста. Поради ова, сето богатство и слава на овој свет не можат да помогнат во спречување на развојот на ракот на дојката, а за тоа се доказ и овие славни личности кои се соочиле со оваа болест. Тие од нивната борба со рак на дојка излегоа како победнички, но целото искуство ги научи на важни животни лекции кои одлучија да ги споделат со другите.
Синтија Никсон
На ѕвездата од серијата Сексот и градот, Синтија Никсон, рак на дојката и бил откриен во 2006та година, за време на рутинска мамографија. Актерката веднаш беше подложена на третман и не сакаше јавноста да дознае за нејзината состојба. Благодарение на лумпектомија и радиотерапија, тогаш 40годишната Синтија беше во можност да го победи ракот и да го сподели нејзиното искуство со сите и да послужи како инспирација за другите жени во таа група.
Шерил Кроу
Ракот на дојката на Шерил Кроу, исто така, е откриен на рутинска мамографија во 2006та година. Пејачката веднаш ја откажа претстојната турнеја и се подложи на операција проследена со седум недели терапија со зрачење, збогатена со акупунктура и со билни чаеви. Кроу беше во можност да ја прескокне хемотерапијата затоа што нејзиниот рак беше откриен доволно рано.
Кајли Миног
Погрешната дијагноза за малку ќе ја чинеше Кајли шансата да се спротивстави и да го надмине ракот на дојката. Само откако таа инсистираше на повторување на тестирањата, лекарите откриле грутка во левата дојка. Таа имаше делумна мастектомија, хемотерапија и радиотерапија, и сето тоа и помогна да ја победи болеста. Австралиската пејачка од тоа извлече поука која сакаше да ја сподели со секого, а тоа е дека жената секогаш треба да им верува на своите инстинкти, дури и кога нејзиниот доктор во бел мантил го кажува спротивното.
Кристина Апелгејт
Иако ракот на дојката е почест кај постарите жени, тоа не значи дека не може да се случи и кај помладите. Ракот на Кристина Апелгејт и беше откриен во 2008та година, кога таа имаше 36 години. Актерка прво се подложи на лумпектомија, но кога дозна дека има BRCA мутација на гени или наследна предиспозиција за рак на дојка, таа се одлучи за двојна мастектомија. Апелгејт јавно призна дека тоа е неверојатно емоционално искуство за неа и дека тоа ја охрабрило да излезе и да се бори за рано откривање на болеста. Актерката оттогаш учествуваше во бројни настани за собирање на средства за истражување и образование за рак на дојка.
Оливија Њутн Џон
На ѕвездата од “Grease”, ракот на дојката и бил откриен во 1992 година. По операцијата и хемотерапија, Оливија се повлече во Австралија, со цел да се опорави, и во текот на овој период таа го сними нејзиниот музички албум “Gaia, One Women’s Journey”. Актерката одлучи јавно да проговори за рак на дојката и го сподели своето искуство со другите пациенти, да покаже дека преживувањето е исто така опција, особено кога болеста рано ќе се открие.
Октомври е “розов” месец, што традиционално ја нагласува важноста на борбата против ракот на дојка. Главната цел е да се покаже важноста на раното откривање, бидејќи оваа болест, дури во 90% од случаите може да се излечи, доколку се открие на време.