Стејт департмент: Политичарите кои вршат опструкции во Македонија да бидат земени на одговорност

Политичарите кои вршат опструкции во Македонија ќе бидат земени на одговорност, вели портпаролот на американскиот стејт департмент за „Гласот на Америка“ на македонски јазик.

„Македонските граѓани избраа парламентарни претставници во декември, и постои јасно мнозинство во собранието, што чека да формира влада. Соединетите американски држави ги поттикнуваат македонските лидери да сторат сè што можат, за формирање на влада без натамошно одлагање за државата да може да продолжи со реформите потребни да стане полноправна членка на евро-атлантското семејство.

Политичарите кои се обидуваат да го блокираат формирањето на владата, ги обезвреднуваат владеењето на правото, демократските процеси и стабилноста на Македонија и регионот пошироко. Ние ќе работиме со нашите европски партнери на охрабрување на овие политичари, да престанат со нивните опструкции, вклучувајќи и земање на одговорност за нивните постапки“, се посочува во изјавата на портпаролот на американскит стејт департмент за „Гласот на Америка“ на македонаски јазик.