Стејт департментот вечерва во соопштение го поздрави доделувањето на мандатот за нова влада на Македонија, порачувајќи дека се надева на соработка со владата во справувањето со многуте предизвици што стојат пред земјата.
„Соединетите Американски Држави ја поздравуваат одлуката на македонскиот претседател Ѓорге Иванов да го додели мандатот за формирање влада на Зоран Заев. Оваа одлука претставува важен чекор напред за македонската демократија и за граѓаните на Македонија. Со нетрпение очекуваме да соработуваме со новата влада во справувањето со многуте предизвици што стојат пред Македонија, вклучувајќи ја тука и потребата за демократски реформи и за целосно спроведување на Договорот од Пржино. САД остануваат пријател и партнер на Македонија и сме посветени на поддршка на нејзината европска и евроатлантска иднина“, гласи соопштението од Стејт департментот.