Косовскиот претседател Хашим Тачи рече дека косовската полиција дејствувала во согласност со законите и овластувањата при апсењето на Марко Ѓуриќ.
Тачи ги повика жителите на Косово на смиреност и рече дека Ѓуриќ нелегално влегол во Косово.
Тој рече дека штотуку го известиле надлежните органи дека Ѓуриќ поминал низ редовна полициска, судска и обвинителска процедура и дека сега е на пат да биде депортиран од територијата на Косово.
-Овој случај не треба да ја попречува комуникацијата меѓу Косово и Србија, дијалогот меѓу двете земји и напорите за нормализација, добрососедските односи и помирувањето меѓу двата народа, изјави Тачи.
#Kosovo Police brought to Prishtina Marko Djuric: pic.twitter.com/wPcZ1BG7ny
— Eraldin Fazliu (@EraldinFazliu) March 26, 2018