Тајна вечера на Трамп и Путин?

од desk3

Претседателите на САД и Русија Доналд Трамп и Владимир Путин имаа втора средба за време на форумот на Г-20 во Хамбург, за која не било соопштено, пренесоа агенциите, повикувајќи се на извор од Белата куќа.

Двајцата лидери на 7 јули ја одржаа првата средба, која траеше повеќе од два часа. На неа беа разгледани билатерални прашања, конфликтите во Сирија и Украина, ситуацијата околу Северна Кореја и сајбер безбедноста.

Вечерта истиот ден Путин и Трамп разговарале за време на официјалната вечера за учесниците на самитот и нивните сопруги. Путин седнал до првата дама на САД Мелани Трамп. Кон крајот на вечерата американскиот претседател отишол до нив и почнал разговор со рускиот колега. За овој разговор не беше официјално соопштено.

Прв за предметната средба соопшти основачот и шефот на меѓународната консултантска компанија “Yureysha Group” Иан Бремер, во интервју за агенцијата Блумберг, пренесе ТАСС. Според зборовите на Бремер оваа неофицијална втора средба се одржа вечерта и траела околу час. На разговорот присуствувал само рускиот преведувач на Путин. Недостатокот на американски преведувач ги збунил другите лидери на вечерата, истакнал Бремер кој  го окарактеризирал како “кршење на протоколот за национална безбедност”, соопшти Ројтерс.

Изворот од Белата куќа изјави дека двајцата лидери го  користеле рускиот преведувач, бидејќи американскиот преведувач не зборувал руски. “За секој пар (лидер со сопругата) имаше само по еден преведувач. Американскиот преведувач, на претседателот Трамп, зборуваше јапонски јазик. Кога Трамп разговараше со Путин, тие користеа помош на рускиот преведувач, бидејќи американскиот не знаеше англиски”, објасни претставникот на Белата куќа, цитиран од агенциите.

“Немаше” втора средба “меѓу претседателот Трамп и претседателот Путин, туку само краток разговор на крајот на вечерата. Инсинуации се дека Белата куќа се обидува да ја “скрие”втора средба,  лажни се и апсурдни”, додал изворот, кој посакал анонимност.

Портпаролот на Белата куќа Шон Спаисер и портпаролот на Советот за национална безбедност Мајкл Ентони потврдија дека Трамп и Путин разговарале на вечерата, соопштија американските медиуми. Ентони не ја прецизира должината на повикот, но истакна дека тој бил неформален и не треба да се оценува како средба.

Трамп го заштити разговорот со Путин доцна синоќа со две лути пораки во Тwitter. ” Објавените лажни вести за тајна вечера со Путин се откачени. Сите лидери од Г-20 и сопругите беа поканети од германскиот канцелар. Медиумите знаеја!”, напиша тој. Неколку минути подоцна претседателот додаде: “Лажните вести стануваат нечесни! Дури една вечера, дадена во чест на топ 20-те лидери во Германија, е направена да изгледа морничава”.

 

Слични содржини