Супермоделот Tајра Бенкс го пушти во продажба својот имот во луксузниот кварт “Беверли Хилс” во Лос Анџелес за 7,75 милиони долари.

Според аукциската куќа “Сотби” куќата е изградена во 1926 година и располага со четири спални. Тајра ја купила во 2004 година за сума од 3 милиони долари, но потоа вложила во поправка на зградата уште 2 милиони долари.

Таа одлучила да ја продаде зградата, откако открила нов дом за себе во Малибу. “Не си барав нов дом додека не ја најдов палата во Малибу преку пријател. Одлуката да се преселам не беше лесна “, изјави ѕвездата пред” Волстрит џурнал “.

Ова е втора продажба на живеалиште на супермоделот оваа година. Пред тоа таа го продаде својот стан во Њујорк за 3,8 милиони. Според блиски на Тајра таа се откажала од него, зашто не поминувала толку време колку што сакала таму поради професионалните обврски.