.
Околу 5 проценти од светското население користеле дрога барем еднаш во текот на последните години, а речиси 30 милиони луѓе се зависни од дрога до таков степен што бараат третман, објави Канцеларијата на ОН за дрога и криминал, цитирана од американските медиуми.
Во својот годишен извештај објавен денеска, таа наведува дека од сите смртни случаи поврзани со дрога, во светот годишно околу 25 проценти се регистрирани во САД, а смртноста таму продолжува да расте, како во 2015 година, бројот на овие случаи е над 52 000.
Во документот се вели дека речиси 12 милиони луѓе во светот користат дрога интравенски, 1,6 милиони живеат со ХИВ, а 6,1 милиони – со хепатитис Ц. Од драстичното зголемување на производството на кокаин и опиум користат и терористички организации и криминални групи , предупредува извештајот, цитиран од агенциите.
Одгледувањето на растението кока е зголемена за речиси 30 отсто меѓу 2013 и 2015 година поради бумот на кокаинот во Колумбија. Како резултат се зголемува употребата на кокаин на два огромни пазарот – Северна Америка и Европа, наведуваат експертите на ОН во областа на дрогата.
Количеството на кокаинот, фатен во азиските земји е зголемена за 40 проценти во 2015 година Податоците за минатата година уште не се објавени, наведува МИА.
Засадените површини со кока во Колумбија се дуплирани поради високите пазарни цени на листовите кока и поради тоа што властите престанале да ги прскаат плантажите за да ги уништат.
Мировниот договор постигнат минатата година помеѓу герилската организација ФАРК и владата, исто така одиграл извесна улога. Во колумбискиот бизнис со кока учествуваа групи кои се занимаваат со трговија со дрога, како и бунтовнички групи.
Во меѓувреме светското производство на опиум, од кој се прави хероин, скокнало со 30 проценти во 2016 година, главно поради подобрата макова жетвата во Авганистан по особено слабата жетва претходната година.
Авганистан е најголемиот производител на опиум во светот, како овој бизнис се контролира во земјата од талибанците
Талибанците заработуват меѓу 150 и 200 милиони долари годишно од данокот што го собираат од производството на опиум земјоделците и од шверцерите, и тоа е половина од годишните нивни приходи, забележува Канцеларијата на ОН за дрога и криминал.
Во Африка се забележува брз раст во употребата на хероин во споредба со кое било друго место. Бројот на зависниците во Кенија, Танзанија, Мозамбик, Замбија, Нигерија и Брегот на Слоновата Коска е зголемен, бидејќи овие земји се дел од т.н.. јужен правец за сообраќај од Авганистан до Европа.
Во САД растечкиот прилив на мексикански хероин во 2015 година доведе до експанзија на епидемиски употреба на синтетички дроги. Во 2015 година од предозирање опиоиди во САД починале околу 33 000 луѓе.
Додека пазарот на стимуланси од родот на амфетамините расте, особено во Азија, производството на канабисот во последните години го задржува постојано ниво. Значителни количини канабис се приведени во Северна и Јужна Америка и во Северна Африка. Најголемите производители во Европа се Холандија и Албанија.
Околу 183 милиони луѓе користат канабис, многу повеќе отколку оние кои употребуваат амфетамин (37 милиони), дрога од родот на опиум (35 милиони), екстази (22 милиони) или кокаин (17 милиони), покажуваат податоците од извештајот.
Околу 190 0000 луѓе во светот умираат како последица на употребата на дрога.