Претседателот на Европскиот совет Доналд Туск и британскиот премиер Дејвид Камерон вечерва имаат средба, за да разговараат за техничките аспекти на можното излегување на Велика Британија од ЕУ.

Туск и Камерон ќе имаат средба по завршувањето на самитот за миграциска криза ЕУ-Турција.

Во Велика Британија до крајот на 2017 година ќе биде организиран референдум за евентуалното излегување на земјата од Европската унија.
Премиерот е под силен притисок на екстремистите во конзервативната партија да излезе земјата од ЕУ. Тој постави пред Брисел сериозни барања за реформи во насока на поголема самостојност на поединечните земји членки.