УНИТЕТИ ја поздравува едногласната одлука на Уставниот суд за поништување на Одлуката за распуштање на Собранието и за одржување на парламентарни избори на 5-ти јуни.

Оваа одлука покажува дека парламентарното мнозинство ВМРО-ДУИ на противуставен начин го распуштија Собранието и ги закажаа изборите. Под силен меѓународен притисок и под силен притисок на домашната јавност, ВМРО нареди, а ДУИ иницираше повлекување на оваа одлука преку Уставниот суд.

Ова само потврдува дека сите државни институции но и Уставниот суд се под целосна партиска контрола. УНИТЕТИ повторно бара од партиите потписнички на Пржинскиот договор што поскоро да го имплементираат истиот како и барањата од Извештајот на Прибе, додека меѓународниот фактор одблизу да го следи имплементирањето на овие прашања и потоа да се одреди датумот за избори.

Истовремено, повторно бараме веднаш да се поништи одлуката на Иванов за колективна аболиција на властите и да се овозможи Специјалното обвинителство да продолжи со својата работа.