Европската комисија ја усвои „Веродостојната перспектива за проширување за Западен Балкан и поголем ангажман на Европската унија во тој регион“, во Стразбур.
Со тоа ја потврди европската иднина на регионот како геостратешка инвестиција во стабилна, силна и обединета Европа базирана на заеднички вредности.
Во стратегијата се наведува дека до 2025 година ЕУ може да има повеќе од сегашните 27 членки но и дека брзината на напредување на тој пат зависи од поединечните залуги и конкретни резултати на секоја земја одделно, соопшти ЕУ.
Претседателот на ЕК Жан Клод Јункер порано наведе дека 2025 година не е година кога Србија и Црна Гора мора да бидат во Еу, туку дека тоа е индикативен датум и охрабрување.
„Иако во текот на сегашниот мандат нема да има понатамошно ширење, денес ЕК зацрта европски пат за Западен Балкан. Со силна политичка волја , реални и непрекинати реформи, како и конечно решавање на споровите со соседите , Западен балкан може да тргне напред на својот европски апт. А дали тоа ќе го постигне, зависи од објективни заслуги“, рече Јункер.
Тој додаде дека Европската комисија ќе биде строга, но и праведна и додеаде дека ќе отпатува во секоја земја од Западен Балкан кон крајот на месецов со јасна порака да продолжат со реформите.
Со оценка дека Србија и Црна Гора најмногу напредувале на европскиот пат и до 2025 година можеби би можеле да станат членки Стратегијата ги објаснува чекорите кои тие две земји треба да ги направат за да го завршат процесот на пристапување .
„Другите може да ги стигнат, но Црна Гора и Србија се единствени две земји со кои на големо се водат разговори за пристапување“, се наведува во текстот и се додава дека перспективата конечно зависи од силната политичка волја, постигнување реални и непрекинати реформи, како и конечни решенија за споровите со соседите“. се наведува во текстот.
КОга станува збор за Македонија и за Албанија се оценува дека овие две земји постигнуваат значителен напредок на европскиот пат и дека Комисијата е подготвена да подготви препораки за отворање пристапни преговори, врз основа на исполнети услови.
#WesternBalkans Strategy: “Historic Momentum for entire #WesternBalkans region. New, positive momentum should be used by our partners by reinforcing reform efforts. Conditionality and merit based approach remain the basis of the accession process. pic.twitter.com/IAacquSUmu
— Johannes Hahn (@JHahnEU) February 6, 2018
За БиХ во Стратегијата се наведува дека Комисијата ќе почне да подготвува мислење за пријава за членство на Босна и Херцеговина по што ќе добие Прашалник.
Со постојани напори ангажман, БиХ може да стане кандидат за придружување, се додава во текстот.
КОга е Косово во прашање се наведува дека има прилика за одржлив напредок низ спроведување на Спогодбата за стабилизација и асоцијација и напредок на европскиот пат кога тоа ќе го дозволат објективните околности.
Високата претставничка на ЕУ Федерика МОгерини изјави дека Западен Баклан е дел од Европа.
„НИе делиме историја, иста географија, исто културно наследство и исти можности и предизвици денес и во иднина. Имаме и заеднички интерес да работиме повеќе во тесна соработка за да гарантираме на нашите граѓани економски и социјален развој и безбедност“, вели могерини.
ДОдаде дека стратегијата за Западен Балкан пружа заедничка, јасна, несомнена, веродостојна и конкретна перспектива на евроинтеграција за секој од шесте партнери.
„Оваа стратегија го покажува патот пред нас: дека сите шест наши партнери го надминале минатото засекогаш, и дека сите ние заедно ќе го направиме процесот на Западен Баклан кон ЕИ неповратен и ќе продолжиме кон обединување на континентот“, додаде Могерини.
Таа рече дека следниот месец е клучен за да може да се искористи оваа историска и единствена прилика .
Комесарот за политика на соседство и преговори за проширување Јоханес Хан рече дека денес се потврди дека вратата на Унијата е отворена за Западен Балкан кој веќе претставува енклава окружена со ЕУ.
„Со нов пристап кој е поддржан од конкретни мерки ние го зајакнуваме процесот на проширување кој за возврат бара веродостојни напори и реформи, особено да се зајакне владеењето на правото. НИе мора да работи за добробит на нашите граѓани“, рече Хан.