Битолска ортопедија со полни раце работа. За три недели од првите врнежи на снег до денес 300 граѓани се јавиле на ова одделение со повреди при пад на лизгавите улици и тротоари. Најголемиот дел се од Битола, а шеесетина од Прилеп. Дел од нив минале со полесни повреди, но, има и голем број пациенти кој се здобиле со скршеници, информира Телма.
-Одев во маалската продавница на ден Бадник. Мислев дека снег е ама одоздола имаше мраз и паднав, изјави една пациентка.
Ортопедите во битолската болница велат дека по некогаш имаат и по пет операции на ден.
-Најчесто се набиеници, исчашувања, шинувања, а една третина од сите повредени, преку сто се со скршенивци. Дел од скршениците ги праќаме на домашно лекување, а една третина од нив ги примаме и ги оперираме. Имаме околу 30 оперирани од 1 ви јануари до вчера. Вчера имавме 5 операции, изјави др. Благој Неделков, ортопед во Клиничка болница Битола.