Независното истражно тело, формирано да ги провери наводите за широко распространета корупција во Парламентарното собрание на Советот на Европа, вчера го објави финалниот извештај. Во документот кој е на повеќе од двесте страни е спомената и Република Македонија и тоа преку сомнежите што ги отвори токму „360 Степени“. Станува збор за улогата што ја имал британскиот пратеник Роберт Валтер, кој е најмен за советник на владата на Емил Димитриев, во изборот на Јован Илиевски, баџанакот на Сашо Мијалков, за судија од Македонија во Европскиот суд за човекови права во Стразбур.