И покрај тоа што стави потпис на заедничката Платформа, Движењето „Беса“ не се чувствува обврзана да учествува на дебатите со албанските партии, информира Алсат М.
Од Беса обвинуваат дека ДУИ и Алијансата за Албанците овие заеднички средби ги користат за политички пазарења околу учеството во владата.
„Не е вистина дека овие состаноци се поради законот. Тоа се средби меѓу политичките партии за договор за учество во владата. Тие би можеле да ни го испратат законот, можеа да бараат совети, но тие никогаш не ни испратија закон за да го погледнеме. Тие не ја посакуваат „Беса“ во овој процес.“- изјави Африм Гаши, Движење „Беса“
Гаши е дециден дека „Беса“ својот придонес за албанскиот јазик ќе го даде во Собранието, преку амандмани.
„Ако сме сигурни дека Платформата е испреплетена во програмата, едниот услов е завршен. Другиот услов е дел од една влада да не бидат инкриминирани луѓе и ние меѓу себе треба да се убедиме дека за време на тој мандат треба да почне процесот и да се започне дебата за редефинирање на државата.“- додава Африм Гаши, Движење „Беса“
Дел од аналитичарите сметаат дека последните ставови на Движењето „Беса“ предизвикале забуна во јавноста.
Целиот текст можете да го прочитате тука