Блокирано пред влада. #протестирам #п pic.twitter.com/S8h2mwIsef
— Martin Ko (@martinko40) April 15, 2016
По половина час поддршка за Специјалното јавно обвинителство, стотиците граѓани тргнаа накај Собранието. Но, демонстрантите не можат да стигнат до таму, бидејќи приодот е блокиран со голем полициски кордон. Тоа предизвика огромна нервоза и негодување кај луѓето што протестираат.
#протестирам #п pic.twitter.com/EKTxjOug9m
— Martin Ko (@martinko40) April 15, 2016
Оттаму, демонстрантите се упатија кон Владата преку Камени мост, но пред новиот објект на Македонски народен театар се спречени од кордон полиција. Се вратија назад и се упатија накај владата од страната на Градски ѕид. Но таму полицијата ги пречека пред Владата и не им даде да се приближат до зградата.
Граѓаните на протестот, организирани од невладините граѓански здруженија, извикуваа пароли „Нема правда нема мир“, „Оставка, оставка“.
Тие велат дека ќе протестираат се додека претседателот на државата Ѓорге Иванов не ја промени одлуката за помилување на политичарите против кои има покренато предистражни или истражни постапки.
Од друга страна пак, граѓаните организирани од граѓанското здружение ГДОМ со зурли и тапани пристигнуваат на Јужен булевар од каде што ќе се упатат кон седиштето на СДСМ. Овие граѓани протестираат против аболицијата на Зоран Заев и на Зоран Верушевски.
На нив им се придружуваат луѓе кои со автобуси од внатрешноста на Македонија пристигнуваат на улицата „Јордан Мијалков“.
Засега не е забележливо поголемо присуство на полиција на овој протест.