Претседателот на Русија Владимир Путин го следи примерот на многу свои сонародници, кога ноќеска се искапеа во ледените води на реките и езерата, иако надвор е голем студ и ги принуди властите во некои региони да го укинат овој обичај, традиционален за православниот празник Крштевање Господово или Богојавление.
Во опкружувањето на свештеници и икони од локалниот Нило-Столобенски манастир Путин влезе во ледените води на езерото Селигер северозападно од Москва при -6 степени Целзиусови.
Истото го направија и мноштво други жители на земјата, скокајќи во замрзнати езера и покрај студовите, кои достигнаа -40 степени во далекуисточните Јакутија, соопшти Министерството за вонредни ситуации, без да го прецизира бројот на учесниците во овие настани.
Локалните медиуми велат дека ова не е црковен ритуал, туку популарно место каде Руската православна црква гледа позитивно како луѓето го третираат со почит празникот и при тоа немаат здравствени контраиндикации.
Температурите во близина на езерото Селигер, во чии води влезе рускиот шеф на државата, не паднале под минус 6-7 степени оваа вечер.
Прес-секретарот на Путин, Дмитриј Песков, посочи дека претседателот го правел овој ритуалот со години. Сепак, Кремљ за првпат информира дека Путин бил вклучен во тоа. Православната традиција бара на Богојавление лицето трипати да биде потопено во водата и тоа во името на Отецот, Синот и Светиот Дух. Ритуалот го симболизира крштевањето на Исус Христос во реката Јордан.