Жешкиот убавец Франко Нориега ги има сите квалитети за да го исфрли Џејми Оливер од срцата на жените, запалени по кулинарска уметност.
Најновиот потфат на поранешниот модел Франко е да нуди лесни ТВ рецепти на дамите во Youtube (на шпански јазик), но претставувајќи ги само по … боксерки и затегнати мускули.
27-годишниот г-дин Нориега е роден во Перу, но се преселил да живее во Њујорк во 2007 година, за да продолжи кариера во модата и театарот. Тој учел во Американската академија за драмски уметности, но во 2014-та решава да ја претвори љубовта кон храната од свое хоби во професија.
Во истата година Франко отвора перуански ресторан во Њујорк, кој се вика “Baby Barsa”, а од неодамна тој си има свој сајт, во кој демонстрира готвачки вештини, но во интересна симбиоза со совршениот изглед.
Непотребно е да се каже дека згодниот шеф веќе стана сензација во социјалните медиуми и има 164 илјади следачи кои се воодушевуваат на највкусните, здрави рецепти … или можеби повеќе на жешкото тело.