Xiaomi ќе го претстави преработениот Mi Mix 2s во Барселона подоцна овој месец. Ова е трет модел од серијата чиј основоположник го импресионира светот со преден панел кој речиси нема рамки во октомври 2016 година и даде почеток на овој нов тренд во дизајнот.
Xiaomi Mi Mix 2s ќе има процесор Snapdragon 845, а оперативната меморија е 8 GB LPDDR4X RAM. Простор за складирање е 256 GB од брзата UFS меморија. Уредот поддржува 4G LTE, а на екранот имаме вграден скенер за отпечатоци. Батеријата е 3500 mAh.
Сега ново видео ни го покажува уредот во акција, иако за само неколку секунди. И покрај краткиот клип, лесно можеме да видиме дека управувањето на менијата се случува со гестови низ екранот, слични на оние кај iPhone X.
За жал видеото не го покажува врвот на уредот. Таму треба да се наоѓа предната камера, сместена во аголот – карактеристика, која ќе требаше да ја потврди автентичноста на кадрите.
MWC 2018 сепак почнува наскоро, па е прашање само на време да дознаеме повеќе за Mi Mix 2s и се останато од Xiaomi.