Откако изјави дека се откажува од модната кариера за да се фокусира на актерството, Кара Делевињ е многу пребирлива кога станува збор за ретките модни проекти во кои што се појавува.
Меѓутоа, сигурно се согласила нејзината најнова кампања за “Puma” да ја направи без размислување, имајќи во предвид дека нејзината долгогодишна другарка Ријана е креативен директор на светски познатиот бренд уште од 2014-тата година.
Кара беше назначена за амбасадор на “Puma Women”(придружувајќи им се на Кајли Џенер и Рири), како новото заштитно лице на “Do You” кампањата, режирана од страна на Ријана.
Кампањата е инспирирана од еден цитат кој што Ријана еднаш го изјави: “Се предизвикувам себеси да ги направам работите да функционираат. Не ги правам нештата заради одговорност или контроверзија. Едноставно, си го живеам мојот живот.”
“Кампањата ‘Do you’ е за превземање на своја сопственост и пронаоѓање на моќ во таа сопственост- тоа е многу моќна изјава. Тоа се однесува на прифаќање на она што сте, без разлика на вашите маани. ‘Do you’ е за наоѓање на вашата вистина и придржување до истата.”- изјавува Кара.
Премиерата на новата пролетна колекција на Ријана за 2017-та, ќе се одржи на модната недела во Париз.
“Ова е сон за мене, да бидам во можност да ја презентирам мојата втора колекција “Fenty Puma by Rihanna” во Париз. И пристапив на оваа сезона многу различно и почувствував дека темата и концептот најдобро одговараат за еден од моите омилени градови.” – изјави пејачката за претстојната модна ревија.
https://www.youtube.com/watch?v=srS0D3s1aAY