Се наближува овој високо очекуван момент од годината, во кој сите ангели од Victoria’s Secret се собираат на едно место, за да поминат по модна писта со култните крилја и да создадат вистински спектакл – годишната ревија на брендот.
Додека ние сè уште имаме многу прашања како на пример дали ќе учествуваат Кендал Џенер и Џиџи Адид и кој ќе ги носи култните Fantasy Bra во вредност од милиони долари, имаме сигурна информација за едно – локацијата!
Оваа година, за прв пат во историјата на брендот, церемонија-спектаклот на Victoria’s Secret ќе ги пренесе најубавите жени во модната престолнина Париз.
Супермоделите се насочуваат кон градот на светлината и ја соопштија веста со специјално видео во кое се гледа дека дури се стискаат со својот багаж.
Моделите кои ќе ги видиме, ги вклучуваат ветеранката Адриана Лима, Алесандра Амброзио и Лили Олдриџ, а друштво ќе им прават новите лица Елза Хоск, Јасмин Тукс, Жозефина Скривер, Лаис Рибеиро, Марта Хант, Роми Стриџ, Сара Сампајо, Стела Максвел и Тејлор Хил .
Досега спектакуларните ревии на брендот обично се одржуваа во Њујорк, а исклучок е претставувањето во Лондон во 2014 и Кан во 2000 година.
Големата вечер на Ангелите е закажана за 5 декември, кога церемонијата ќе се емитува на CBS.
Додека ние ги броиме деновите до овој датум, можеме да уживаме заедно на новото видео на Victoria’s Secret.