Австралиски синџир за пици најави дека планира да ја пушти првата во светот услуга – испорака на пици со помош на беспилотни летала – дронови.
Проектот и тестирањата ќе започнат во Нов Зеланд оваа година. Тие ќе се спроведуваат во соработка со американската компанија компанија Flirtey. Таа е специјализирана во превоз на товар од беспилотни летала.
Dominoes pizza delivery by drone in New Zealand https://t.co/dbkjLCJ32I bet this saves $ on brick & mortar
— Jim H (@JimAtMaximum) August 25, 2016
Компанијата за пици веќе ги проширува плановите за испорака на свои производи, исто така и во Австрија, Белгија, Франција, Холандија, Јапонија и Германија.
“Секогаш сме го сметале за смешно користењето на дветонски машини за испорака од два килограми”, рече директорот на фирмата Дон Меиџи.
Според него дроновите имаат голем број на предности во однос на традиционалните начини за превоз, тие не зависат од патишта или од автомобилскиот сообраќај. Минатата година во Нов Зеланд воведоа нови правила во областа на воздухопловството, кои овозможуваат да се користат дронови за комерцијални цели.