Демонстрантите се движат кон зградата на Владата. Илијадници граѓани претходно масовно се собираа пред СЈО за денешниот граѓански протест на Шарената револуција. Притоа тие извикуваа: „Никола, Никола, шутка не ти бега Никола!“.

Демонстрантите се движат накај Влада #протестирам pic.twitter.com/XiOqX0D0Rk

— META.mk (@meta_agency) June 20, 2016

На протестот е и лидерот на СДСМ Зоран Заев, кој им се приклучи на демонстрантите и на Шарената Револуција.

Демонстрантите се движат накај Влада #протестирам pic.twitter.com/C8GPhuBzjc

— META.mk (@meta_agency) June 20, 2016

„Вечерва во 19 часот ќе се собереме пред нашата тврдина, симболот на правдата – Специјалното јавно обвинителство! Ќе бидеме здружени, силни, одлучни и одговорни! Бараме граѓаните да бидат дел од решението на кризата и доаѓаме за да го осигураме нашето учество! Бараме криминалците да одговараат и ќе ги притиснеме институциите да покажат дека крадењето и угнетувањето не смее да бидат исплатливи дејности! Бараме преодна влада и не отстапуваме додека не се осигураме дека таа влада ќе обезбеди слободни избори и слободно гласање! Сограѓани од цела Македонија, се гледаме!“, се наведува во повикот објавен на страницата на Фејсбук Шарена револуција.

„Ние не простуваме! Ние не дозволуваме преговори за нашата иднина и иднината на нашите деца водени зад затворени врати! Лути сме и гневни на политичките елити што предолго нè држат во статус кво со неуспешни и нетранспарентни преговори без учество на граѓаните! Доста ни е од преговори во кои ние сме нем и пасивен набљудувач! Нашиот глас мора да биде слушнат и од власта, и од опозицијата! И ќе биде слушнат! Ако не во таа мала соба за преговори, ќе нè слушаат од улиците и плоштадите на оваа држава!“, порачаа активистите од Протестирам.

Протестот се организира еден ден откако истече ултиматумот на Шареаната револуција со кој се барање до 18 јуни да се признае уствноста на СЈО и да запре прогонот и приведувањето на демонстрантите кои речиси секојдневно излегуваат на протести.