68
Романскиот претседател Клаус Јоханис ја назначи Виорика Данчила за мандатар за состав на новата Влада на Романија.
Европратеничката Виорика Данчила беше предложена од Социјалдемократската партија (ПСД) за нов премиер, по оставката на премиерот Михаи Тудосе.
– Откако ги разгледав сите аргументи и конкретната состојба во Парламентот, решив да и дадам уште една шанса на ПСД и да ја именувам за премиер личнста која ја предложи ПСД, Виорика Данчила, изјави претседателот Јоханис, додавајќи дека Романците имаат големи очекувања од владејачката партија и дека ПСД сега треба да се покаже на дело.