Почетна / Актуелно / ВМРО-ДПМНЕ: „Тендери“ е монтиран случај

ВМРО-ДПМНЕ: „Тендери“ е монтиран случај

Случајот „Тендери“ кој СЈО го отвори, а се однесуваше на наводна злоупотреба на службено овластување при избор на фирма за изведба на градба на објектот на Музејот на македонската револуционерна борба е целосно монтиран процес, дел од една политичка пропаганда на СДСМ која има за цел да го оцрни ВМРО-ДПМНЕ, обвини денеска Дарко Костовски од ВМРО- ДПМНЕ.

Според него, целосната постапка за изградба на Музејот на македонската револуционерна борба е спроведена согласно закон, јавно и транспарентно.

„СЈО исто како и во другите случаи води нарачана хајка против ВМРО-ДПМНЕ со политички театар, за да обезбеди материјал за медиумите под контрола на СДС за креирање негативна слика во јавноста за ВМРО-ДПМНЕ“, вели Костовски.

ВМРО-ДПМНЕ тврди дека сите проекти и сите постапки се работени според законите. Истите беа ставени на увид од страна на поранешната министерка за култура Елизабета Канческа Милевска за секој да може да има увид во постапките.