Во турската престолнина Анкара се забранети секакви демонстрации и јавни собири на јавни места за период од еден месец. Ова се случи по наредба на најголемата општина на Анкара. Во овој правилник се нагласува дека мерката се воведува поради ризици кои постојат за безбедноста на градот во врска со добиените од разузнавачките служби предупредувања за планиран терористички напад во турската престолнина. Во исто време забраната се воведе во момент кога во турскиот парламент течат бурни дебати за уплатен пакет за промени во Уставот. Дебатите ја спротивставија владејачката АКП, покренувач на пакетот, и опозициската Републиканска народна партија, според која се цели замена на парламентарниот систем на Турција со претседателска власт, што би обезбедило неограничена власт на претседателот Реџеб Таип Ердоган.
Опозицијата организира голем митинг пред парламентот, во која учествуваа и пратеници, но тој беше растурен со употреба на брутална сила и водени топови. Следуваше правилник на најголемата општина на Анкара за забрана на секакви јавни настапи, која според некои извори може да биде продолжена и по истекот на едномесечниот рок, бидејќи во Турција е во акција вонредна состојба, што беше воведена во јули минатата година. Продолжуваат и апсењата на осомничени за врски со движењето на исламскиот проповедник Фетуллах Гулен, кој се обвинува за одговорен за спречениот обид за државен удар во јули минатата година 60 бизнисмени се уапсени денеска, соопштија медиумите. А бројот на отпуштените од истите причини чиновници ја надмина бројката од 100 илјади лица.