Во Брисел денеска почнува четвртиот круг од преговорите за условите според кои Велика Британија треба да ја напушти Европската унија.
Состанокот меѓу делегациите, предводен од британскиот министер за Брегзит, Дејвид Дејвис и главниот преговарач на ЕУ, Мишел Барние, треба да биде последен пред Самитот на Унијата закажан за 19 и 20 октомври.
Неодамна двете страни сигнализираа дека се подготвени за изнаоѓање излез од „ќор сокакот“.
На 22 септември британската премиерка Тереза Меј најави отстапки на Лондон за условите за Брегзит и најави можност за натамошни блиски односи меѓу нејзината земја и ЕУ.
Притоа таа посочи две главни отстапки – директна имплементација на договорот за Брегзит и законски гаранции за правата на европските граѓани во Велика Британија. Исто така, Меј вети и дека Брегзит нема да влијае на сегашниот буџет на ЕУ.