По вчерашното апсење на директорот на Канцеларијата на Владата на Србија за Косово, Марко Ѓуриќ. ситуацијата во северниот дел на Косовска Митровица е стабилна. На смирување на тензиите повикаа и претседателите на Косово и на Србија, Хашим Тачи и Александар Вучиќ, а на случувањата реагираше Бојан Стојковиќ, еден од лидерите на Српска чест.
Стојковиќ на видео закачено на Инстаграм порача дека „Српска чест“ и српските доброволци му стојат на располагање на претседателот и дека се подготвени да го дадат својот живот за Косово.
„Господине претседатле, во име на Српска чест и сите српски доброволци, со жандармеријата и српската војска, ви стоиме на располагање и подготвени сме за општа мобилизација на српски народ, не да одиме во војна, туку да го браниме своите огниште и да го штитиме српското население кое живее во Ксово. Да знаете дека на располагање ги имате сите српски доброволци кои се подготвени животот да го дадат за КОсово“, вели Стојковиќ.
https://instagram.com/p/Bgy9o7SH5P2/?utm_source=ig_embed
Потсетуваме дека Марко Ѓуриќ е уапсен за време на внатрешниот дијалог за КОсово, пренесе RTK. Припадниците на интервентната полиција на Косово извршија упад во објектот каде се одржуваше тркалезната маса на политичките претставници на Србите.