Претседателот на движењето БЕСА, Билал Касами на денеска изјави дека Талат Џафери бил легитимно избран за претседател на Собранието. Според него, по вчерашното насилство, државата сега не е само во политичка криза, туку и во безбедносна криза. Тој го осуди синоќешното насилство врз пратениците и врз новинарите
„Ги повикуваме сите институции во земјава да го почитуваат изборот на Џафери и да се однесуваат во согласнот со таа одлука. Не бевме информирани за избор на претседател на Собранието. Независно од тоа, останавме во салата, и помогнавме легитимно во сиот процес. Се надеваме дека после овој чин ќе продолжи и процесот за формирање на другите институции и дека државата ќе се врати во нормала“ рече Касами.
Тој ги повика граѓаните да ја задржат присебноста и да не паѓаат на провокации.