За времето на крвавиот упадот и насилствата во Собранието Чавков гледал, бил на стотина метри и не кревал телефон

од Vladimir Zorba

Во рамките на истрагата сега е откриено и каде бил раководителот на оперативниот штаб Митко Чавков кој во тоа време беше и директор на Бирото за јавна безбедност. Чавков одбил да даде изјава на работната група во МВР, а досега не бил повикан во обвинителство на распит.

Чавков беше обвинет од министерот Нухиу дека не му се јавувал и не наредил акција на полицијата, а ден по инциднетите на единствената прес конфернација Чавков не одговараше на никакви прашања.

Кога во ходникот на МВР го прашавме каде бил тие два часа, тој само кратко ни одговори дека бил со колегите без да лоцира место.

 Но истрагата сега успеала да го лоцира по позицијата на неговиот мобилен телефон. Со проверка преку базните станици е откриено дека во времето на упадот и на насилствата Чавков бил на стотина метри од Собранието.

Неговиот телефон бил фатен на базните станици на седиштето на ВМРО, Алмако и италијанска амбасада, во триаголникот во центарот на Скопје непосредно до Собранието каде се случуваат насилствата.

Тогашниот директор на јавната безбедност бил во овој дел на Скопје до 20 часот кога се вратил назад  во оперативниот штаб за протестите кој се наоѓа во кругот на МВР.

Извор: Телма

Слични содржини