Европскиот клубски шампион Реал Мадрид е во одлична серија за време на неговите гостувања во Лигата на шампионите.
„Кралевите“ не пропуштиле да постигнат гол како гостин во десет последователни посети на турнирот, што е загрижувачка статистика за италијанскиот хегемон Јувентус.
Двата колоса на Стариот континент вечерва се среќаваат во Торино во првиот 1/4-финален меч на турнирот. Серијата за Реал започна при ремито 2:2 против Борусија Дортмунд на „Сигнал Идуна Парк“ на 27 септември 2016 година и трае до гостувањето на ПСЖ, освоено од првакот на Европа со 2: 1.
Оваа сезона тимот од Мадрид има 12 гола во 4 натпревари надвор од „Бернабеу“. Во групната фаза ги победија со 3:1 Дортмунд во Германија, загубија со 1:3 од Тотенхем на „Вембли“, го победија Апоел во Кипар со 6:0, како и споменатиот реванш од 1/8-финалето со ПСЖ.
За последен пат Реал не постигнал гол на 26 април 2016 година, кога одигра 0-0 на гостувањето во Манчестер Сити во судир со 1/2-финалето. На „Сантијаго Бернабеу“, „белите“ победија со 1: 0, а потоа го поразија Атлетико Мадрид во финалето по пенали.
Одбраната на Јуве е една од најдобрите на планетата и вечерва ќе се обиде да ја скрши серијата на Кристијано Роналдо и компанија.
Реал Мадрид со гол при гостување во ЛШ:
27 септември 2016 година, групна фаза
Борусија Дортмунд – Реал Мадрид 2: 2
2 ноември 2016 година, групна фаза
Легија Варшава – Реал Мадрид 3: 3
22 ноември 2016 година, групна фаза
Спортинг Лисабон – Реал Мадрид 1: 2
7 март, 2017, 1/8-финале, реванш
Наполи – Реал Мадрид 1: 3 (2: 6 вкупен резултат)
12 април 2017 година, 1/4-финале, прв натпревар
Баерн Минхен – Реал Мадрид 1: 2 (3: 6)
2 мај 2017, 1/2-финале, реванш
Атлетико Мадрид – Реал Мадрид 2: 1 (2: 4)
26 септември 2017 година, групна фаза
Борусија Дортмунд – Реал Мадрид 1: 3
1 ноември 2017 година, групна фаза
Тотенхем – Реал Мадрид 3: 1
21 ноември 2017, групна фаза
Апоел – Реал Мадрид 0: 6
6 март 2018, 1/8-финале, реванш
ПСЖ – Реал Мадрид 1: 2 (2: 5 вкупен резултат).