Не сум сигурен дека има услови за фер и демократски избори на 11 декември. Дали гласачките места се градени по современите сеизмички стандарди? Дали се заштитени од поплава на фекалии во случај на зимски дожд? А што правиме ако заврне снег, па гласачите не можат да дојдат?
Колумна на Ѕвездан Георгиевски објавена на порталот Призма
Не би ме изненадило утре Скопје да осамне прекриено со снег. Не би го изненадило ни градоначалникот Коце Трајановски. Него го изненадува само она што се случува: летни дождови, умерени земјотреси… Затоа нема ни да падне снег. Не би ги изненадило ни граѓаните на Скопје. Тие и онака се во фаза на перманентна изненаденост од фактот дека нивниот град воопшто постои. И после сето ова силување.
Ако старата мудрост во овие краишта вели дека не паѓа снегот за да го покрие брегот туку за да ги открие трагите на ѕверот, тогаш не паѓа дождот за да го исчисти смогот туку за да го покаже изметот. А за што тогаш служат земјотресите? Претпоставувам дека набргу на површина ќе излезат протресените траги и измети оставени по скопските новоградби. Постојат, имено, новински текстови, преку кои стручњаците предупредувале за сеизмичкиот карактер на земјиштето на кое е изградено Скопје и опасноста тука да се градат згради, но…
Затоа воопшто не ми се чини ниту наивна, ниту недоветна изјавата на една анкетирана граѓанка, која е лута на надлежните зошто не ги предупредиле граѓаните дека ова им се спрема за да можат благовремено да се сокријат. Точно е дека земјотрес не може да се предвиди; да можеше гатачката на Груевски секако ќе го предвидеше.
Целата колумна можете да ја прочитате тука