Членови на социјалните мрежи во САД најавија бојкот на ќерката на кандидатот за претседател на САД Доналд Трамп – Иванка. Причините се сексистичките изјави на нејзиниот татко, соопштува Daily Mail.
Хаштагот е #GrabYourWallet, а демонстрантите повикуваат да не се купува облека, украси и парфеми од брендот Ivanka Trump.
Жените исто така ги повикаа големите стоковни куќи, кои соработуваат со ќерката на Трамп (Nordstrom, Bloomingdale’s, Macy’s), да се откажат од продажбата на нејзините колекции.
На овој начин претставниците на понежниот пол го изразиле своето незадоволство од позицијата на Иванка, која продолжува да го поддржува својот татко и да учествува во предизборната кампања, и покрајнизата обвинувања кон него во последните недели за сексизам и сексуална злоупотреба.
Претходно овој месец The Washington Post објави снимка, кој содржеше груби и сексистички изјави на Трамп. Политичарот поднесе јавни извинувања.
Неколку жени во исто време го обвинија кандидатот за претседател за сексуална злоупотреба против нив. На 22 октомври кон навредените се вклучи и Салма Хајек, а ден подоцна и порно актерката Џесика Дрејк.
Овој пат, сепак Трамп не се извини. Тој ги нарече обвиненијата предизборна агитација против него и можност на едни жени да добијат “неколку минути слава”