Либерално-демократската партија денеска на шестото собрание го избра новиот претседател на партијата. На претседателското столче седна Горан Милевски. Тој смета дека власта на Груевски продолжува да владее се поавторитарно со методи на заплашување и апсење на политичките противници и другите неистомисленици.

Не може да се смета за пуч, доколку опозицијата со легитимни средства сака да дојде на власт. Секаде опозицијата настојува да ја урне власта. Ако не се плашат, неутрална влада нека организира предвремени избори – истакна Милевски пред делегатите.

Досегашниот претседател Андреј Жерновски вели дека режимот мора да падне и во таа насока има сериозни прегрупирања и внатре во ВМРО-ДПМНЕ и во власта кои се против Груевски

Ни претстои најкрвавиот период на политичката сцена – финалната разврска. Премиерот Груевски ќе сака оваа ситуација да заврши со предвремени избори за да го пресретне компромитирачкиот материјал, кој за жал, засега не е објавен, но се надевам ќе биде – вели Жерновски.