Златан Ибрахимовиќ нема да игра против “Зарја” во Лига Европа

Ѕвездата на “Манчестер јунајтед” Златан Ибрахимовиќ добил изненадувачки одмор од менаџерот Жозе Мурињо.

Швеѓанецот е во Италија и по се изгледа дека нема да игра во натпреварот против “Зарја” (Луганск) од Лига Европа.

Мурињо го пуштил Ибрахимовиќ на краток одмор во текот на неделата. Напаѓачот треба да се врати во петок кон тренинг процесот на “црвените ѓаволи”.

Одлуката на португалскиот стручњак е малку изненадувачка, бидејќи неговиот тим веќе допушти загуба на почетокот на турнирот и се очекуваше да излезе со најдобарите против непретенциозен тим, за да ги израдува своите навивачи на “Олд Трафорд”.

Уште во понеделникот Швеѓанецот пристигна во Италија и беше фатен од папараците како вечера во ресторан со Кларенс Сидорф.