Претседателот на СДСМ, Зоран Заев, кој од вчера е во официјалната посета на Израел ќе има средби на највисоко државно – владино ниво, а ќе се сретне и со претставници од бизнис заедницата.

Денеска во Тел Авив,  Заев ќе има средба со претседателот на Израел, Реувен Ривлин, во претседателската резиденција.

По средбата со претседателот на Израел, лидерот на СДСМ, ќе има состанок со претставници на израелската бизнис заедница. А, во вторник ќе има средби со високи владини претставници на Израел.

Претседателот Заев ќе се сретне со вицепремиерот на Израел, Силван Шалом и со министерот за инфраструктура, енергетика и води, Јувал Стеинц. Во рамки на официјалната посета на Израел,  Заев ќе ги посети и светите места во Ерусалим, а е предвидено да даде и интервју за познат израелски медиум.