📸 Кој е 40-годишниот Акала, наводното ново момче на Анџелина Џоли?

од Radmila Tasevska
395 прегледи

ОТКАКО Анџелина Џоли (48) неколку пати беше видена во друштво на британскиот рапер Кингсли Џејмс Меклин Дејли, познат како Акала, набрзо почнаа да кружат гласини дека тие двајца се во врска, пренесе Стандард лајф.

40-годишниот Акала е рапер, писател и активист. Во 2006 година, тој беше прогласен за најдобар хип-хоп изведувач на наградите MOBO (годишна британска награда која се доделува за достигнувања во „црната музика“, вклучувајќи хип-хоп, грејм, британски танц, R&B, соул, реге, џез, госпел и африкански музика). Дополнително, Акала е именуван во годишната листа на моќ на 100-те највлијателни луѓе од африканско или африканско-карипско потекло во Обединетото Кралство.

Акала почна да се занимава со музика во 2003 година, а три години подоцна го издаде својот прв албум It’s Not a Rumour. Само четири години подоцна, раперот го издаде својот втор албум – Freedom Lasso, а во 2010 година и третиот. Во 2018 година, Акала објави книга наречена Домородци: Раса и класа во урнатините на империјата, која е дел биографија и дел полемика за расата и класата.

За потсетување, Акала го привлече вниманието на јавноста откако неколку пати беше снимен со Анџелина Џоли. Тие неодамна беа видени во ресторан во Милано со екипата на филмот Мариа. По вечерата отидоа заедно во хотелот. Ова не е прв пат холивудска актерка и рапер да се фотографираат заедно. Тие отпатуваа за Јамајка во мај.

Да потсетиме дека Џоли беше со Бред Пит од 2002 до 2016 година. Тие решија да се венчаат во 2014 година, но се разделија по само две години поради „непомирливите разлики“. Тие имаат шест деца: Медокс (22), Пакс (18), Захара (18), Шајло (17) и близнаците Вивиен и Нокс (15).

Слични содржини