Имате проблем со одењето по голема потреба? Веројатно не се храните правилно! Американската асоцијација на диетолози тврди дека една жена на возраст меѓу 19 и 50 години треба да консумира дневно по 25 г влакна, додека кај мажите тоа количество е 38 г.
Зошто влакна?
И растворливите и нерастворливи влакна помагаат за нормализирање на дигестивниот и уринарниот систем со тоа што го штитат дебелото црево. За разлика од мастите, јаглехидратите и протеините, влакната не се апсорбираат во нашето тело. Тие остануваат цели, додека минуваат низ желудникот, тенкото црево и дебелото црево. Нерастворливите влакна се обемни, го пополнуваат желудникот и минуваат низ дебелото црево цели, за да спречат запек, додека растворливите го апсорбираат вишокот вода, за да спречат дијареа.
И тоа не се сите придобивки од влакната. Тие помагаат за намалување на нивото на холестеролот, го контролираат шеќерот во крвта особено кај луѓе со дијабетес и заситуваат, штитејќи од прејадување и проширен стомак.
Еве и 10 јадења богата со растителни влакна, кои треба да ги вклучите во менито:
Јаболка – 1 јаболко на ден, го пази докторот подалеку од мене! Плодот содржи во просек 4,4 г влакна.
Бобинки – 1 чаша (јагоди, малини, капини) содржи во просек 8 до 10 грама влакна. Тие се богати со антиоксиданси и го одржуваат срцето цврсто.
Грав – полн со витамини и протеини, гравот е многу корисен за стомакот, иако понекогаш предизвикува гасови. Тој може да се консумира варен, печен, пржен, во салата, супа или манџа … 1 чаша содржи помеѓу 9 и 19 г влакна.
Житарици – Додека повеќето од зрната треба да бидат обработени за да станат јадливи има признати цели житарки кои ги задржуваат влакната или хранливите материи. Чаша кафеав ориз има 4 г влакна, додека чаша киноа – 5 г.
Зеленолиснат зеленчук – Обложете се на салатите! Чаша спанаќ, репка, марула, зелена салата ќе ви дадат 4-5 грама влакна.
Портокали – сушени или конзервирани тие содржат помалку влакна, затоа е убаво да се конзумираат сурови. Еден портокал има околу 4 г влакна.
Банани – по содржина на влакна, тие се на исто ниво со портокалите и јаболката.
Брокула, карфиол, зелка – 4 г влакна на чаша.
Компири – лесни за готвење и многу вкусни. Еден просечен компир содржи околу 3-4 г влакна, а не е важно дали е обичен, црвен или сладок.
Ореви и семиња – Тие се многу богати извори на влакна со околу 3-12 г на ¼ чаша. Освен тоа содржат здрави масти и фитохемикалии. Обидете се со бадеми, фстак, кикирики, ореви, ленено семе и сусам.