11 новозаразени и еден починат од коронавирус во последните 24 часа

од Nikola Popovski

Во изминатото деноноќие од Ковид-19 починало едно лице од Македонски Брод на 43 години, соопштија од Министерството за здравство.

„Во последните 24 часа се потврдени 11 нови случаи на Ковид-19, односно, регистрирани се 5 случаи во Скопје, 3 во Тетово и по 1 во Битола, Берово и Пехчево“, додаваат од МЗ.

Исто така регистрирани се 4 оздравени пациент, односно, по 2 во Скопје и Битола.

„Вкупната бројка на КОВИД-дијагностицирани лица во нашата земја од почетокот на епидемијата изнесува 155.700, бројката на оздравени пациенти е 150.067, на починати е 5.486, а бројот на активни случаи изнесува 147“, стои во соопштението на МЗ.

Досега во земјава се направени вкупно 884.593 тестирања на Ковид-19, а во изминатото деноноќие се направени 2.723 тестови.

Слични содржини