Со наближувањето на пролетта треба да ѝ помогнеме на нашата кожа да се осветли и заздрави по лутите зимски временски услови. Студот, ветровите, ниските температури – сето тоа се одрази на нашата кожа и пролетта е моментот во кој треба да ја повратиме повторно.

Со помош на специјални домашни пролетни маски ќе ѝ помогнете на кожата да ги врати сјајот, еластичноста и цврстината.

Маска со авокадо и мед

Оваа маска е одлична за сува, лушпеста кожа. Таа лекува секакви воспаленија, испукани и зони во кои се чувствуваат иритација и затегнување.
Измешајте добро во чаша:
½ многу зрело авокадо
2 лажици мед
½ лажичка кокосово масло
Нанесете ја крем маската на лицето и оставете да делува околу 15 минути. Потоа исплакнете со топла вода и избришете со влажна топла крпа за лице.

Антиоксиданс и антистареечка маска со папаја

Папајата е исклучително корисен плод кој содржи големи количини антиоксиданси. Таа е погодна за сува, оштетена кожа, склона кон напукнување. Има силен антистареечки ефект.
Измешајте во чаша:
½ зрела папаја, излупена
½ лажичка мед
¼ лажичка сок од лимон
Направете ја маската во блендер. Нанесете на чиста кожа и оставете да делува 20 минути. Пазете ги очите. Исплакнете со млака вода и исушете го лицето.

Избелуваачка маска со јагоди и јогурт

Јагодите се едни од најдобрите даватели на природна салицилна киселина во природата. Таа има анти-инфламаторен ефект, ги смирува иритациите и габичните пупки.
Сокот од лимон, пак, има природни антибиотски својства.

Измешајте во чаша:
¼ чаша пире од јагоди
2 лажици сок од лимон
1 лажица јогурт
1 лажица мед
Измешајте ги сите состојки во блендер или со миксер за да се добие мазна паста. Нанесете рамномерно по целото лице. Оставете да делува 30 минути. Откако ќе се исуши извадете ја маската со помош на топла влажна памучна крпа. Исплакнете со млака вода и исушете.

Така кожата ви е подготвена за пролетта!
Слики: istock