5 ситуации во кои е најдобро да го прескокнете тренингот

од desk4

Многупати сме прочитале дека ако нема потреба од тоа, најдобро е да не го пропуштаме тренингот и да не си ја ускратуваме физичката активност.

Но, има одредени ситуации во кои е сосема во ред да не отидете на тренинг и да останете дома, за да се одморите:

Под стрес сте

Одамна ни е познато дека стресот предизвикува и физички симптоми, кои дополнителниот напор може само да ги влоши. Ако сте под стрес, подобро е да го прескокнете тренингот, наместо да се лажете себе дека ќе ве смири.

Не сте наспани

Ненаспаноста предизвикува умор, раздразливост и исцрпеност, а тогаш сте и почувсвителни, имунитетот е благо опаднат, а концентрацијата намалена. Исто како и во првиот случај, најдобро е во ваква ситуација да останете дома.

Болни сте

Ако имате болки, настинати сте, имате покачена температура или општо не се чувствувате добро, прескокнувањето на тренингот е повеќе од добра идеја, бидејќи потењето дополнително ќе ве дехидрира.

Болки во мускулите

Ова е повеќе од јасен знак дека треба да одморите и да не се измачувате дополнително, бидејќи може да се повредите.

Неодамна сте имале интензивни тренинзи

Ако сте тренирале интензивно поради трчање подолги трки или натпревар, сосема е нормално да одморите и да испуштите неколку тренинзи, додека да ги обновите силата и енергијата.

Слични содржини